مثلين لاجل الجنس

اليوم صدفه قاعد اقلب في صفحة الفيس بوك و لقيت واحد مش naked و اقدر اقول لابس شي
ما علينا يسوي اللي يبيه عادي
قلت خليني ادخل البروفايل و اشوف وش كاتب وش يقول ومن هالكلام ( من زود اللقافه يالحبيب :P )
لقيتة واصف ميوله رغباته بانة

لا يريد الا الجنس فقط و مع واحد دبودب و مربب و مدري ايش و بوضعيه معينه

قلت هذا واحد من الف مو معقول المثلين يهتمو بالجنس

وخلني اشوف واللي بعده واللي بعده طلعو اللي بعدةة واصفين نفسهم باقذر الاوصاف اللي مستحيل تطلع من واحد عاقل طلع الاخو اللي في الاول كان طاهر وعفيف :O

الجنس عند الحيوانات شيء اساسي فهم ما يعرفون بعض الا وقت الجنس وغير كذا كل واحد في طريقه كانه one night stand

اللي للاسف منتشر بين مدعي المثليه الجنسية

انا ما اقول ان الواحد يصر راهب و كمان ما يكون عاهر في نفس الوقت

السؤال اللي محيرني

هل ملخص المثلية الجنسيه هوا الجنس فقط يعني العلاقة الجنسية هيا اهم شي ؟؟؟

اذا كان كذا فالمجتمع اذا ما تقبلنا فهذا العيب فينا مش عيب في المثليه الجنسية

انا مش ضد الجنس كجنس لكن ضد الجنس الخالي من المشاعر والاحاسيس ممكن اكون زي اللزبيان الحب او المشاركه اهم شي

انا حلمي انه يجي اليوم اللي يقول الواحد للعالم انا احب فلان وراح نسكن سوا وراح يكون و زواجنا في اليوم الفلاني في المكان الفلاني
ممكن اليوم حلم لكن بكرا ممكن يكون حقيقه

ترا العلاقه لما بتكون مبنيه على حب و احترام حتدوم وحيكون لها ذكرى جميلة

اما لما تكون مبنيه على توب وبوتوم ولا سالب و موجب حتكون بس متعه للحضة وندم للعمر كله

تخيلو معاي بعد ممكن 10 او عشرين او حتى خمسين سنة انت والشخص اللي تحبونه عايشين سوا كبرتم سوا و واجهتم الدنيا كلها سوا و حبكم مع الايام كبر لبعض

بس تخيلو

سؤال بريء او مش بريء ؟؟

اي علاقة تمر بمراحل (بدينا بالتفلسف :P )

منها او بالنسبة لي هيا 3

1- الصداقة او المودة : بانك تلاقي شخص وتحبو وتهتم فية وكذا

2- الحب : انك هذا الشخص مستحيل تتخيل حياتك و كل ما قريت اسمة تبتسم و كل ما كلمته تسرح فيه حتى وانت معاه تناضر في زي الخبل بس انت الخبل اللي وقع في النص لا تعرف هذا صديقك ولا عشيرك ؟؟؟؟؟

3-الجنس : المرحله اللي تتوج المرحلتين السابقة الجنس مش عشان تفرغ المشاعر الحيوانية لا و لا و لا هذي المرحلة اللي فيها تعلنو حبكم لبعض و تصيرو روح وجسد واحد في هذي المرحلة انت له اهو لك في هالمرحلة انت راح تتاكد انه يبك كثر ما انت تبيه

لكن انا اللي محيررني ايش اللي بعد كذا ؟

اذا خيروك بين الحب و الجنس والصداقة ايش تختار ؟؟؟

هل من الممكن تختار الثلاثة سوا ؟؟؟؟؟

اذا كانت لك علاقة صداقة و اتطورت الى حب ...................هل من الممكن الجنس ينهي اللي قبله ؟

هل من الممكن يكون الجنس مدمر ؟؟ او معمر للي قبله ؟؟؟؟؟

ادري في بلداننا صعب انه اثنين يعلنو حبهم لبعض حتى لو كان رجل و زوجتة اجل كيف لو كانو جيز

اكيد حتقوم الدنيا ولا تقعد :( .

اوقات غلللللللط

يا كثر الاوقات الغلط هالفترة

الغلطة الاولى

كاس العالم قسم حسببي الله عليهم حاطينة بموسم الاختبارات ودي اصيح من القهر ليش كذا يقولون السعودية ما تأهلت ليش تتابع ؟؟
في ايطاليا و اسبانيا و الارجنين وتبغوني اطنش ؟؟؟؟؟


الغلط الثاني

الشباب كلهم يا خاطبين و يا مخلفين خييييييييييييييير وش فيكم توكم بالجامعه و باقي ملحقين
انا ضد فكرة الزواج خير شر احسة نهاية كل منحرف :P
من جدي اتكلم لما الواحد يدخل في مصيبة سواء مخدرات ولا فاشل في الدراسة قالو نزوجة :O



الغلط الثالث

الصيف جاي برمضان مافي وصف اكثر من كذا :S

اخر شي

اني اكتب عالبلوج و انا عندي اختبار :P

هيفا و جوليا بس لليوم

اليوم رح اكتب عن الستارز اللي بحبهم و بس واللي ما احبهم مدري يمكن اتكلم عنهم :P


اول شي راح اتكلم عن حبيبة قلبي جوليا بطرس

بعد غيااااب مليون سنة

حترجع الست جوليا و حتنزل البوم في 16 او 17 يونيو

3> 3> 3> 3> 3> 3> 3> 3> 3> 3> 3> 3> 3> 3> 3> 3> 3> 3> 3> 3> 3> 3> 3> 3> 3> 3>

اما بالنسبة لحبية قلبي التانية هيفا اليوم حتنور ام بي سي ادري انها شوي مفلسعه بس ابا اشوف ايش راح تهبب



:PPPPPPPPPPPPPPPPPPP

جائكم البيان التالي

لقد قررت انا محتار افندي اطال الله عمري :D

القرار لا رجعة فيه و القرار لا يقبل الواسطة و لا يقبل النقاش ولا يقبل باي شكل من الاشكال التدخل و المشورة او الاحتجاج و لا يقبل الخرجين من الجامعة بمعدل فوق 2.5 من 5 اية شروط تعسفية عندنا كيفي واللي عندة مانع يحط كومنت ونتشاور انا والشباب ويصير خير .

المهم قررت انه ...........................................

اكتب لكم بوست بالمزاج :D

يعني اليوم بكتب بوست عن الفن و الفناين واخر اخبارهم

ممكن بكرا اكتب عن اخر هبقات الهيئة ولا مشايخنا اللي كل يوم بفتوة شكل

بس كل شهر حكتبلكم عن الافلام اللي شفتها في الشهر الماضي و تقيمها و شلون اثرو فيني لانس شخص حسااااااااس جدا :PpP

ممكن امس اكتب عن بعد بكرا برضه بكيفي مدونتي واكتب اللي ابي :P

الين ذاك الوقت اقبلو تحياتي

ملائكة الارض

في الشارع وانت ماشي او في المول او الجامعه او حتى مستشفى تسمع واحد يقول لخوية : شوف هذا ال.... (كلام ما ينقال) الله ...............................و كمان ....................تصدق انه................وازيدك من الشعر بيت...... والله ما ..........

انا اوريك فيه بس خلية يرجع و ..................( انتهى كلام الملاك الطاهر الخالي من العيوب و الاثام والمعاصي الرجال الشهم االلي حرر فلسطين وضامن دخول الجنة ووووووووووووووووووووووو) .

ليش احنا العرب عندنا غريزة الي مو معانا هذا اكيد و نبصم بالعشرة لا حتى بالمية انه الشخص ضدنا

ليش لما نسمع ان العالم الاجنبي اكتشف اكتشاف ما نقول احنا ندري ترى من قبلكم ترا موجود عندنا بالقران والسنة بس نسينا نقلكم

ليش لما احد المدونين ينشر بحث من القران والسنة على انة الاختلاط او الثلية غير محرمة علينا لكن نحن من حرمها وعند الواجهه يكثر الزعيق و النعيق ( عالقافية :P )

عندما نسمع انة احد الفنانين اعلن مثليتة او انه ثنائي اليول نقوم بلعنة و سبة ووصفة بابشع الاوصاف

ليش انتم كذا ؟؟؟؟؟؟؟؟؟؟؟؟؟؟؟؟؟؟؟؟؟؟

او ليش هما كذا ؟؟؟؟؟؟؟؟؟؟؟؟؟؟؟

ليش احنا كذا ؟؟؟؟؟؟؟؟؟؟؟